കോഴിക്കോട്: താന്‍ പാര്‍ട്ടി വിട്ട് പോവുമെന്ന വാര്‍ത്ത തെറ്റാണെന്ന് മന്ത്രി എ.കെ ശശീന്ദ്രന്‍. കോണ്‍ഗ്രസ് .എസില്‍ ചേരുമെന്നത് ഭാവനാസൃഷ്ടി മാത്രമാണെന്നും അദ്ദേഹം മാധ്യമപ്രവര്‍ത്തകരോട് പ്രതികരിച്ചു.

പാലായുടെ കാര്യത്തില്‍ ആശങ്കപ്പെടാന്‍ കാപ്പന് അവകാശമുണ്ട്. പാലാ സീറ്റ് എന്‍.സി.പിയുടേതാണെന്നും മറ്റൊരു കക്ഷിക്കും വിട്ടുകൊടുക്കാനാകില്ലെന്ന് മന്ത്രി എ.കെ ശശീന്ദ്രന്‍. പാല സീറ്റ് ഏറ്റെടുക്കുമെന്ന് എല്‍.ഡി.എഫ് അറിയിച്ചിട്ടില്ല. സീറ്റ് വിട്ടുനല്‍കുന്നത് ആലോചിക്കണമെന്ന് പോലും പോലും മുഖ്യമന്ത്രിയോ എല്‍.ഡി.എഫ് കണ്‍വീനറോ പറഞ്ഞിട്ടില്ലെന്നും അദ്ദേഹം കൂട്ടിച്ചേര്‍ത്തു.

എല്ലാ പാര്‍ട്ടിയും മത്സരിക്കുകയും ജയിക്കുകയും തോല്‍ക്കുകയും ചെയ്യുന്ന സീറ്റുകളുണ്ട്. ഏതെങ്കിലും സീറ്റ് വേണ്ടെന്ന് ഒരു പാര്‍ട്ടിയും പറയില്ലെന്നും അദ്ദേഹം ചൂണ്ടിക്കാട്ടി.