കോഴിക്കോട്: പി.എ സെയ്ത് മുഹമ്മദിന്റെ സ്മരണയ്ക്കായി ഏര്‍പ്പെടുത്തിയ പുരസ്‌കാരം കൈതപ്രം ദാമോദരന്‍ നമ്പൂതിരി മാപ്പിള സാഹിത്യകാരന്‍ കെ.കെ ആലിക്കുട്ടിക്ക് സമ്മാനിച്ചു. ചടങ്ങ് ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്തു. മലബാര്‍ കൗണ്‍സില്‍ ഓഫ് ഹെറിറ്റേജ് ആന്‍ഡ് കള്‍ച്ചറല്‍ സ്റ്റഡീസാണ് ചരിത്രകാരനും സാഹിത്യകാരനുമായ പി.എ സെയ്ത് മുഹമ്മദിന്റെ പേരില്‍ 25,000 രൂപയും ഫലകവുമടങ്ങുന്ന പുരസ്‌കാരം പ്രഖ്യാപിച്ചത്. ഇതോടൊപ്പം ഡെസ്റ്റിനി ബുക്‌സ് പ്രസിദ്ധീകരിച്ച ഷാനു ഷെറിന്റെ 'നീ' എന്ന കവിതാ സമാഹാരവും പ്രകാശനം ചെയ്തു. പി.എ സലാം സ്വാഗതം പറഞ്ഞു. മാലിക് മഖ്ബൂല്‍ ആലുങ്ങല്‍, സുകുമാര്‍ കക്കാട്, അഹമ്മദ് പി. സിറാജ്, കവി സെബാസ്റ്റ്യന്‍, നിസാര്‍ കാടേരി സംബന്ധിച്ചു.