കല്‍പ്പറ്റ: സമസ്ത കേരള സുന്നി മഹല്ല് ഫെഡറേഷന്‍ ജില്ലാ കമ്മിറ്റിയുടെ നേതൃത്വത്തില്‍ ജില്ലയിലെ 14 മേഖലയിലും സംഘടിപ്പിക്കുന്ന മേഖലാ തല സാരഥി സംഗമങ്ങള്‍ ശനിയാഴ്ച രാവിലെ 10ന് ജംഇയ്യത്തുല്‍ ഉലമാ ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ തലപ്പുഴയില്‍ ഉദ്ഘാടനം ചെയ്യും. തലപ്പുഴ മേഖലയിലെ 17 മഹല്ല് കമ്മിറ്റി അംഗങ്ങളും റെയ്ഞ്ച് ഭാരവാഹികള്‍, എസ്.എം.എഫ്, എസ്.വൈ.എസ്, എസ്.കെ.എസ്.എസ്.എഫ് ഭാരവാഹികള്‍ ഖത്തീബുമാര്‍, സദര്‍ മുല്ലിംകള്‍ പങ്കെടുക്കും. ആനുകാലിക വെല്ലുവിളികള്‍, വഖ്ഫ് രജിസ്‌ട്രേഷന്‍, സൊസൈറ്റി രജിസ്‌ട്രേഷന്‍ തുടങ്ങിയ വിഷയങ്ങളില്‍ ക്ലാസെടുക്കും. ഇബ്‌റാഹീം ഫൈസി വാളാട്, പിണങ്ങോട് അബൂബക്കര്‍ ഹാജി, ടി.സി അലി മുസ്‌ലിയാര്‍, കെ.എം ആലി, പി.സി ഇബ്‌റാഹീം ഹാജി, ഉസ്മാന്‍ കാഞ്ഞായി, കെ.കെ.എം ഹനീഫല്‍ ഫൈസി, എം അബ്ദുറഹിമാന്‍, യൂസഫ് ഫൈസി, എടപ്പാറ കുഞ്ഞമ്മദ്, സി കുഞ്ഞബ്ദുല്ല പങ്കെടുക്കും. ഈ മാസം 22ന് വൈകിട്ട് ഏഴിന് തരുവണ മേഖലാ സംഗമം തരുവണ ടൗണ്‍ മദ്‌റസയില്‍ നടക്കും.