ലഖ്‌നൗ: ഉത്തര്‍പ്രദേശില്‍ ഡോള്‍ഫിനെ തല്ലിക്കൊന്നതിനു മൂന്നുപേരെ പൊലിസ് അറസ്റ്റ് ചെയ്തു. ഡോള്‍ഫിനെ വടിയും മറ്റുമുപയോഗിച്ചു തല്ലിക്കൊല്ലുന്ന വിഡിയോ സോഷ്യല്‍മീഡിയയില്‍ പ്രചരിച്ചതോടെയാണ് പൊലിസ് നടപടി സ്വീകരിച്ചത്.

ഉത്തര്‍പ്രദേശിലെ പ്രതാപ്ഗഢില്‍ ഡിസംബര്‍ 31നായിരുന്നു സംഭവം. ദൃശ്യങ്ങള്‍ പുറത്തുവന്നതോടെ സംഭവം വിവാദമാകുകയും സര്‍ക്കാര്‍ നടപടി സ്വീകരിക്കണമെന്ന ആവശ്യമുയരുകയും ചെയ്തിരുന്നു. വംശനാശ ഭീഷണി നേരിടുന്ന വിഭാഗത്തില്‍പെട്ട ഡോള്‍ഫിനെയാണ് കൊന്നതെന്നാണ് വിവരം. ഡോള്‍ഫിന്റെ ജഡം തൊട്ടടുത്ത കനാലില്‍നിന്നു പിന്നീട് കണ്ടെത്തിയിരുന്നു.