തിരുവനന്തപുരം: സംസ്ഥാനത്ത് നിലവില്‍ വിദ്യാര്‍ത്ഥികളില്‍ കൊവിഡ് രോഗവ്യാപനമില്ലെന്ന് വിദ്യാഭ്യാസ മന്ത്രി വി. ശിവന്‍ കുട്ടി. എന്നാല്‍ കാര്യങ്ങള്‍ വിലയിരുത്താന്‍ ഇന്ന് രാവിലെ മുഖ്യമന്ത്രിയെ കാണുമെന്നും അദ്ദേഹം വ്യക്തമാക്കി. സ്‌കൂളുകളുടെ പ്രവര്‍ത്തനം സംബന്ധച്ച് മുഖ്യമന്ത്രിയുമായി ചര്‍ച്ച നടത്തും. സ്‌കൂള്‍ അടക്കേണ്ട സാഹചരിയമുണ്ടോ എന്ന് പരിശോധിക്കുമെന്നും മന്ത്രി കൂട്ടിച്ചേര്‍ത്തു.

കഴിഞ്ഞ ദിവസം കേരളത്തില്‍ 12,742 പേര്‍ക്കാണ് കൊവിഡ്19 സ്ഥിരീകരിച്ചത്. തിരുവനന്തപുരം 3498, എറണാകുളം 2214, കോഴിക്കോട് 1164, തൃശൂര്‍ 989, കോട്ടയം 941, പത്തനംതിട്ട 601, കൊല്ലം 559, കണ്ണൂര്‍ 540, പാലക്കാട് 495, ആലപ്പുഴ 463, മലപ്പുറം 449, ഇടുക്കി 367, കാസര്‍ഗോഡ് 262, വയനാട് 200 എന്നിങ്ങനേയാണ് ജില്ലകളില്‍ കഴിഞ്ഞ ദിവസം രോഗ ബാധ സ്ഥിരീകരിച്ചത്.