ന്യൂഡൽഹി
സംസ്ഥാനങ്ങൾക്ക് ലക്ഷം കോടിയുടെ പലിശരഹിത വായ്പ ബജറ്റിൽ പ്രഖ്യാപിച്ചു. നിലവിൽ സംസ്ഥാനങ്ങൾക്ക് അനുവദിച്ചിട്ടുള്ള പലിശ രഹിത വായ്പയ്ക്കു പുറമേയുള്ളതാണിത്. രാഷ്ട്രത്തിന്റെ സമഗ്ര സാമ്പത്തിക വളർച്ചയ്ക്കും നിക്ഷേപങ്ങൾക്കും സംസ്ഥാനങ്ങളുടെ പങ്കാളിത്തം ത്വരിതപ്പെടുത്തുക എന്ന ലക്ഷ്യത്തോടെയാണ് വായ്പ നൽകുന്നതെന്ന് നിർമല സീതാരാമൻ അറിയിച്ചു.
50 വർഷമാണ് വായ്പാ കാലാവധി. പ്രധാനമന്ത്രി ഗ്രാം സഡക് യോജന, ഡിജിറ്റലൈസേഷൻ, നഗരാസൂത്രണം തുടങ്ങിയ പദ്ധതികൾ ലക്ഷ്യംവച്ചാണ് വായ്പ അനുവദിക്കുന്നത്. സംസ്ഥാനങ്ങളുടെ മൂലധന നിക്ഷേപം വർധിപ്പിക്കാനാണ് കേന്ദ്ര സർക്കാർ ലക്ഷ്യമിടുന്നതെന്ന് ധനമന്ത്രി പറഞ്ഞു.