ഷാമില്‍: ഉത്തര്‍പ്രദേശിലെ ഷാംലിയില്‍ മഹാ പഞ്ചായത്തിന് അനുമതി നിഷേധിച്ചുകൊണ്ടുള്ള യു.പി സര്‍ക്കാരിന്റെ ഉത്തരവ് ലംഘിച്ച് മഹാ പഞ്ചായത്തില്‍ ആയിരങ്ങള്‍ സംഘടിച്ചു.

ഡല്‍ഹിയില്‍ നിന്ന് നൂറ് കിലോമീറ്റര്‍ അകലെയുള്ള ഷാംലിയിലെ മഹാപഞ്ചായത്തില്‍ ആയിരങ്ങള്‍ പങ്കെടുത്തു.

റിപബ്ലിക് ദിനത്തില്‍ ഡല്‍ഹിയില്‍ നടന്ന ട്രാക്ടര്‍ റാലിയില്‍ കര്‍ഷകര്‍ അച്ചടക്കമില്ലാതെ പെരുമാറിയെന്നും കൊവിഡ് നിര്‍ദ്ദേശങ്ങള്‍ ലംഘിച്ചെന്നും ആരോപിച്ചാണ് മഹാപഞ്ചായത്തിന് അനുമതി നിഷേധിച്ചിരിക്കുന്നത്.കര്‍ഷകര്‍ യോഗം ചേരാതിരിക്കാന്‍ ഫെബ്രുവരി 4 മുതല്‍ ഏപ്രില്‍ 3 വരെ സെക്ഷന്‍ 144 പ്രഖ്യാപിച്ചിരുന്നു.

ഷാംലിയിലെ ഭൈന്‍സ്വാള്‍ ഗ്രാമത്തിലെ കര്‍ഷകര്‍ക്കെതിരായ കറുത്ത കാര്‍ഷിക നിയമങ്ങള്‍ക്കും സര്‍ക്കാര്‍ അതിക്രമങ്ങള്‍ക്കും എതിരെ ഇന്ന് രാഷ്ട്രീയ ലോക്ദള്‍ സംഘടിപ്പിച്ച കിസാന്‍ പഞ്ചായത്തില്‍ ധാരാളം കര്‍ഷകര്‍ പങ്കെടുത്തു. രാഷ്ട്രീയ ലോക് ദാല്‍ ട്വീറ്റ് ചെയ്തു.

https://twitter.com/RLDparty/status/1357682541075918848

https://twitter.com/alok_pandey/status/1357620454454870017

അധികൃതരുടെ നിര്‍ദ്ദേശം തങ്ങളെ പിന്തിരിപ്പിക്കാന്‍ പോകുന്നില്ലെന്ന് സംഘാടകരായ രാഷ്ട്രീയ ലോക്ദള്‍ വ്യക്തമാക്കി. പൊലിസിന് വേണമെങ്കില്‍ വെടിവെക്കുകയോ ജയിലടയ്ക്കുകയോ ചെയ്യാമെന്നും പക്ഷേ തങ്ങള്‍ തീരുമാനിച്ച പരിപാടി മാറ്റില്ലെന്നും റോഹ്ത പറഞ്ഞു.