ന്യൂഡല്‍ഹി: പ്രധാനമന്ത്രി നരേന്ദ്ര മോദിക്ക് മറുപടിയുമായി സംയുക്ത കിസാന്‍ മോര്‍ച്ച. പ്രധാനമന്ത്രി പാര്‍ലിമെന്റില്‍ സമരം ചെയ്യുന്ന കര്‍ഷകരെ അപമാനിച്ചെന്ന് സംയുക്ത കിസാന്‍ മോര്‍ച്ച പ്രതികരിച്ചു. തങ്ങള്‍ സമരജീവികള്‍ ആയതില്‍ അഭിമാനിക്കുന്നു. രാജ്യത്ത് ഒരു പുതിയ വിഭാഗം സമരജീവികള്‍ ഉദയം കൊണ്ടിട്ടുണ്ടെന്നായിരുന്നു മോദിയുടെ പരാമര്‍ശം.

സമരങ്ങളാണ് ഇന്ത്യയ്ക്ക് സ്വാതന്ത്ര്യം നേടിത്തന്നത് എന്നകാര്യം പ്രധാനമന്ത്രി മറക്കുന്നു. അത് മറന്നതില്‍ അത്ഭുതമില്ല. കാരണം ബി.ജെ.പിയും മുന്‍ഗാമികളും ബ്രിട്ടീഷുകാര്‍ക്ക് എതിരെ സമരം ചെയ്തിട്ടില്ലെന്നും കിസാന്‍ മോര്‍ച്ച പറഞ്ഞു.
സമര ജീവികളായതില്‍ തങ്ങള്‍ അഭിമാനിക്കുന്നു.
എന്നാല്‍ കേന്ദ്രസര്‍ക്കാരുമായി വീണ്ടും ചര്‍ച്ച നടത്താന്‍ തയ്യാറാണെന്ന് കര്‍ഷക നേതാക്കള്‍ വ്യക്തമാക്കി. അടുത്ത ചര്‍ച്ചയ്ക്കുള്ള തീയതി നിശ്ചയിക്കാന്‍ അവര്‍ സര്‍ക്കാരിനോട് അഭ്യര്‍ത്ഥിച്ചു. ചര്‍ച്ച നടത്താന്‍ കര്‍ഷകര്‍ ഒരിക്കലും വിസ്സമ്മതിച്ചിട്ടില്ലെന്ന് സംയുക്ത കിസാന്‍ മോര്‍ച്ച നേതാവ് ശിവകുമാര്‍ കക്ക പറഞ്ഞു.