HOME
DETAILS

'എന്റെ സഹോദരന് വേണ്ടി ജീവന്‍ കളയാനും തയ്യാറാണ്'; രാഹുലുമായി തര്‍ക്കമെന്ന ബി.ജെ.പി പ്രചാരണം തള്ളി പ്രിയങ്കാ ഗാന്ധി

  
backup
February 13 2022 | 11:02 AM

can-give-life-for-my-brother-priyanka-gandhi-on-bjps-rift-charge-2022

ലഖ്‌നോ: താനും സഹോദരന്‍ രാഹുല്‍ ഗാന്ധിയും തമ്മില്‍ തര്‍ക്കങ്ങളുണ്ടെന്ന ബി.ജെ.പി ആരോപണത്തെത്തള്ളി എ.ഐ.സി.സി ജനറല്‍ സെക്രട്ടറി പ്രിയങ്കാ ഗാന്ധി. സഹോദരന് വേണ്ടി താന്‍ ജീവന്‍ നല്‍കാന്‍ പോലും തയ്യാറാണെന്നും രാഹുല്‍ തിരിച്ചും അങ്ങനെയാണെന്നും പ്രിയങ്ക ഗാന്ധി പറഞ്ഞു. പ്രിയങ്ക ഗാന്ധിയും രാഹുല്‍ ഗാന്ധിയും തമ്മിലുള്ള ഭിന്നത കോണ്‍ഗ്രസിനെ വീഴ്ത്തുമെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞതായുള്ള റിപ്പോര്‍ട്ടുകളോട് പ്രതികരിച്ചുകൊണ്ട് സംസാരിക്കുകയായിരുന്നു അവര്‍.

' എവിടെയാണ് സംഘര്‍ഷം, യോഗിജിയുടെ മനസിലാണ് സംഘര്‍ഷം. ബി ജെ പിയിലെയും അദ്ദേഹവും മോദിജിയും അമിത് ഷായും തമ്മിലുള്ള ഭിന്നത മൂലമാണ് അദ്ദേഹം ഇത് പറയുന്നതെന്ന് തോന്നുന്നു.' പ്രിയങ്ക പറഞ്ഞു.

തെരഞ്ഞെടുപ്പ് പ്രചാരണത്തിനിടെ ഹെലികോപ്റ്ററില്‍ ഇരിക്കുമ്പോഴാണ് പ്രിയങ്ക ചോദ്യത്തിന് മറുപടി നല്‍കിയത്.

ഉത്തര്‍പ്രദേശിന്റെ ചുമതലയുള്ള പ്രിയങ്കയുടെ നേതൃത്വത്തിലാണ് കോണ്‍ഗ്രസ് സംസ്ഥാനത്ത് തെരഞ്ഞെടുപ്പിനെ നേരിടുന്നത്.
സ്ത്രീ സുരക്ഷയും തൊഴിലവസരങ്ങളും മുന്‍നിര്‍ത്തിയാണ് കോണ്‍ഗ്രസ് പ്രകടന പത്രിക പുറത്തിറക്കിയിരിക്കുന്നത്.കോണ്‍ഗ്രസ് നേതൃത്വത്തിലുള്ള സര്‍ക്കാര്‍ അധികാരത്തിലെത്തിയാല്‍ പത്ത് ദിവസത്തിനുള്ളില്‍ സംസ്ഥാനത്തെ മുഴുവന്‍ കര്‍ഷകരുടേയും കാര്‍ഷിക കടങ്ങള്‍ എഴുതിത്തള്ളുമെന്നാണ് വാഗ്ദാനം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."