നൈഫിറ്റോ: പട്ടാള അട്ടിമറിയെ തുടര്‍ന്ന് രാഷ്ട്രീയ അനിശ്ചിതാവസ്ഥയിലായ മ്യാന്മറില്‍ വീണ്ടും അറസ്റ്റ്. ഓഗ് സാന്‍ സു കിയുടെ അടുത്ത സഹായിയെയാണ് ഇപ്പോള്‍ അറസ്റ്റ് ചെയ്തിരിക്കുന്നത്. സൈനിക മേധാവികള്‍ക്കെതിരെ ഉപരോധം ഏര്‍പ്പെടുത്താന്‍ യു.എസ് പ്രസിഡന്റ് ജോ ബൈഡന്‍ ഉത്തരവിട്ടതിനു പിന്നാലെയാണ് നടപടി.

സൂ കിയുടെ കീഴില്‍ ഓഫിസ് ഓഫ് സ്റ്റേറ്റ് കൗണ്‍സിലര്‍ മന്ത്രിയായിരുന്നു രാത്രി അറസ്റ്റിലായ ക്വോ ടിന്റ്. ഇയാളോടൊപ്പം മറ്റു നാലു പേരെയും അറസ്റ്റ് ചെയ്തിട്ടുണ്ടെന്ന് നാഷണല്‍ ലീഗ് ഫോര്‍ ഡെമോക്രസി (എന്‍.എല്‍.ഡി) വിവര സമിതി അംഗം ഡോ. ക്വി തോയ് പറഞ്ഞു.