കല്‍പ്പറ്റ: സംസ്ഥാന ആസൂത്രണ ബോര്‍ഡ് വൈസ് ചെയര്‍മാന്‍ ഡോ. വി.കെ രാമചന്ദ്രന്‍ നാളെ ജില്ലയിലെത്തും. രാവിലെ 10ന് കലക്ടറേറ്റ് ആസൂത്രണ ഭവനിലെ എ.പി.ജെ ഹാളില്‍ ജില്ലാതല ഉദ്യോഗസ്ഥരുമായി ചര്‍ച്ച നടത്തും. ജില്ലയിലെ വിവിധ മേഖലകളിലെ വികസനവുമായി ബന്ധപ്പെട്ട പ്രശ്‌നങ്ങള്‍ യോഗത്തില്‍ ചര്‍ച്ച ചെയ്യും. ജില്ലാതല ഉദ്യോഗസ്ഥര്‍ അവരുടെ വകുപ്പിന് നടപ്പാക്കുന്ന വികസന ക്ഷേമ പ്രവര്‍ത്തനങ്ങളുടെ പുരോഗതി, നിയമ തടസങ്ങള്‍ സാങ്കേതിക തടസങ്ങള്‍, പരിഹാര മാര്‍ഗങ്ങള്‍ എന്നിവ സഹിതം ജില്ലാതല ഉദ്യോഗസ്ഥര്‍ തന്നെ നിര്‍ബന്ധമായും യോഗത്തില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.