കോയമ്പത്തൂര്‍
2022 ജനുവരിയില്‍ കോയമ്പത്തൂര്‍ വിമാനത്താവളം വഴിയുള്ള ചരക്ക് കയറ്റുമതിയിലും വിമാന സര്‍വിസുകളിലും വന്‍ വര്‍ധന. ആകെ 1,111 സര്‍വിസുകളാണ് നടത്തിയത്.
ഇതില്‍ 1,022 ആഭ്യന്തര സര്‍വിസുകളും 89 അന്താരാഷ്ട്ര സര്‍വിസുകളും നടത്തി. ആകെ 1,04,370 യാത്രക്കാരാണ് വിമാനത്താവളം വഴി യാത്ര ചെയ്തത്.
ചരക്ക് കയറ്റുമതിയിലും വലിയ പുരോഗതി നേടി. 632 ടണ്‍ ചരക്കുകളാണ് ഇതുവഴി കൊണ്ടുപോയത്. ഇതില്‍ 107 ടണ്‍ വിദേശ രാജ്യങ്ങളിലേക്കായിരുന്നു. ബാക്കി രാജ്യത്തെ വിവിധ സംസ്ഥാനങ്ങളിലേക്കും. ജനുവരിയില്‍ എല്ലാ രംഗത്തും ഉയര്‍ന്ന വളര്‍ച്ചാ ശതമാനമാണ്. കൊവിഡ് ഭീതി കുറഞ്ഞതോടെ കൂടുതല്‍ ഫ്‌ളൈറ്റ് സര്‍വിസുകള്‍ ആരംഭിക്കാനാകുമെന്ന പ്രതീക്ഷയിലാണ് അധികൃതർ. യാത്രക്കാരുടെ എണ്ണത്തിൽ വൻ വർധവാണുണ്ടായെന്നും അധികൃതർ പറഞ്ഞു.