കൊച്ചി: അഴിമതി തടയാന്‍ ഇ ഗവേണ്‍സ് നടപ്പാക്കാന്‍ ശ്രമിക്കുമെന്ന് ജില്ലാ കലക്ടര്‍ കെ.മുഹമ്മദ് വൈ.സഫറുള്ള. സര്‍ക്കാര്‍ ഓഫിസിലെത്തുന്ന പൊതുജനങ്ങ നേരിടുന്ന പ്രധാന പ്രശ്‌നം സുതാര്യത ഇല്ലാത്തതാണ്.
ഇ ഓഫിസുകള്‍ വരുന്നതോടെ നടപടിക്രമങ്ങള്‍ സുതാര്യമാകുമെന്നും ഇതിലൂടെ അഴിമതി കുറക്കാനാകുമെന്നാണ് പ്രതീക്ഷയെന്നും കലക്ടര്‍ പറഞ്ഞു. എറണാകുളം പ്രസ്‌ക്ലബ്ബിന്റെ മുഖാമുഖം പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ഇ ഗവേണ്‍സ് നടപ്പാക്കുന്നതിനുള്ള പ്രധാന തടസം ലാപ്പ്‌ടോപ്പ് ഉള്‍പ്പെടെയുള്ള സാങ്കേതിക സംവിധാനങ്ങളുടെ അഭാവമാണ്. ഇത് പരിഹരിച്ച് ജീവനനക്കാര്‍ക്ക് പരിശീലനം നല്‍കണം.
ജില്ലയില്‍ സാമൂഹികക്ഷേമപ്രവര്‍ത്തനങ്ങള്‍ക്ക് പ്രത്യേക പരിഗണന നല്‍കും. കാന്‍സര്‍ സെന്ററിനെക്കുറിച്ച് പഠിച്ചുകൊണ്ടിരിക്കുകയാണ്. പൊതുജനങ്ങള്‍ക്ക് ആവശ്യമായ പദ്ധതിയാണിത്. എത്രയും വേഗം അതിനുള്ള നടപടിക്രമങ്ങള്‍ ആരംഭിക്കുമെന്നും കലക്ടര്‍ പറഞ്ഞു.