കോട്ടയം: കോട്ടയം കാഞ്ഞിരപ്പള്ളിയില്‍ സ്വത്തുതര്‍ക്കത്തിന്റെ പേരില്‍ സഹോദരനെ വെടിവെച്ചുകൊന്നു. കാഞ്ഞിരപ്പള്ളിയിലെ കരിമ്പാനയില്‍ രഞ്ജു കുര്യനാണ് വെടിയേറ്റു മരിച്ചത്. ഇന്നു വൈകുന്നേരത്തോടെയാണ് സംഭവം. സഹോദരന്‍ ജോര്‍ജ് കുര്യനാണ് വെടിവെച്ചത്. മാതൃസഹോദരന്‍ മാത്യുസ്‌കറിയാക്കും വെടിയേറ്റു. ഊട്ടിയിലെ സ്വത്തുവിറ്റതുമായുള്ള തര്‍ക്കമാണ് വെടിവെപ്പില്‍ കലാശിച്ചത്. കൂടുതല്‍ വിവരങ്ങള്‍ ലഭ്യമായിട്ടില്ല.