തിരുവനന്തപുരം: ശബരിമലയില്‍ ഉണ്ടായ അനിഷ്ട സംഭവങ്ങള്‍ തന്നെ വല്ലാതെ വേദനിപ്പിച്ചെന്ന് ദേവസ്വംവകുപ്പ് മന്ത്രി കടകംപള്ളി സുരേന്ദ്രന്‍. ഒരിക്കലും ഉണ്ടാകാന്‍ പാടില്ലാത്ത സംഭവങ്ങളായിരുന്നു അന്ന് നടന്നതെന്നും കടകംപള്ളി കൂട്ടിച്ചേര്‍ത്തു. വിശാല ബെഞ്ചിന്റെ വിധി എന്തായാലും വിശ്വാസികളുമായും രാഷ്ട്രീയ പാര്‍ട്ടികളുമായും കൂടിയാലോചിച്ചേ തീരുമാനത്തിലെത്തൂ എന്നും അദ്ദേഹം പ്രതികരിച്ചു.

എന്നാല്‍ കടകംപള്ളിയുടേത് കള്ളക്കണ്ണീരാണെന്ന് ബി.ജെ.പി സംസ്ഥാന അധ്യക്ഷന്‍ കെ സുരേന്ദ്രന്‍ പ്രതികരിച്ചു. നിമിഷം കൊണ്ട് സുപ്രിം കോടതിയിലെ സത്യവാങ് മൂലം മാറ്റാവുന്നതാണെന്നും സുരേന്ദ്രന്‍ പ്രതികരിച്ചു.