ന്യൂഡല്‍ഹി: തെരഞ്ഞെടുപ്പ് റിസള്‍ട്ടിന് ശേഷം പ്രതികരിച്ച് പ്രിയങ്ക. സോഷ്യല്‍മീഡിയയിലാണ് പ്രയങ്കയുടെ പ്രതികരണം. 'ഞങ്ങളുടെ കഠിനാധ്വാനം വോട്ടാക്കി മാറ്റാന്‍ പാര്‍ട്ടിക്ക് കഴിഞ്ഞിട്ടില്ല,' കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി ട്വീറ്റ് ചെയ്തു.

ജനാധിപത്യത്തില്‍ ജനങ്ങളുടെ വോട്ടാണ് പരമപ്രധാനം, ഞങ്ങളുടെ പ്രവര്‍ത്തകരും നേതാക്കളും കഠിനാധ്വാനം ചെയ്തു, സംഘടന രൂപീകരിച്ചു, ജനങ്ങളുടെ പ്രശ്‌നങ്ങളില്‍ പോരാടി. യുപിയുടെയും പൊതുജനങ്ങളുടെയും ഉന്നമനത്തിനായുള്ള പോസിറ്റീവ് അജണ്ടയാണ് കോണ്‍ഗ്രസ് പിന്തുടരുന്നതെന്നും പൂര്‍ണ ഉത്തരവാദിത്തത്തോടെ പ്രതിപക്ഷത്തിന്റെ കടമ നിറവേറ്റുന്നത് തുടരുമെന്നും പ്രിയങ്ക രണ്ടാമത്തെ ട്വീറ്റില്‍ പറഞ്ഞു.