നിയമസഭാ തെരഞ്ഞെടുപ്പുകളിലെ തോല്‍വി ചര്‍ച്ച ചെയ്യാന്‍ കോണ്‍ഗ്രസ് പ്രവര്‍ത്തക സമിതി യോഗം നാളെ ചേരും. വൈകിട്ട് 4ന് എഐസിസി ആസ്ഥാനത്ത് സോണിയ ഗാന്ധിയുടെ അധ്യക്ഷതയിലാണ് യോഗം. നേതൃമാറ്റം ആവശ്യം ഉയരാന്‍സാധ്യത ഏറെയാണ്.

പഞ്ചാബിലെ തോല്‍വി അടക്കം ചൂണ്ടിക്കാട്ടി സംഘടന ചുമതലയുള്ള എഐസിസി ജനറല്‍ സെക്രട്ടറി കെ സി വേണുഗോപാലിനെതിരെയും നിലപാട് കടുപ്പിക്കാനാണ് നേതാക്കളുടെ തീരുമാനം. തോല്‍വിയോടെ ആത്മവിശ്വാസം നഷ്ടപ്പെട്ട അണികള്‍ക്ക് കൃത്യമായ മറുപടി നല്‍കുകയാണ് പാര്‍ട്ടിക്ക് മുന്നിലുള്ള വലിയ വെല്ലുവിളി.