കോട്ടയം: കവിയും ഗാനരചയിതാവുമായിരുന്ന ബീയാര്‍ പ്രസാദ് (62) അന്തരിച്ചു. ഏറെ നാള്‍ ചികിത്സയിലായിരുന്നു. ചങ്ങനാശേരിയിലെ സ്വകാര്യ ആശുപത്രിയിലായിരുന്നു അന്ത്യം. ഒന്നാംകിളി പൊന്നാണ്‍കിളി,കേരനിരകളാടും ഒരു ഹരിത ചാരുതീരം, മഴത്തുള്ളികള്‍ പൊഴിഞ്ഞീടുമീ നാടന്‍ വഴി തുടങ്ങി അറുപതിലധികം ഗാനങ്ങളുടെ രചന നിര്‍വഹിച്ചിട്ടുണ്ട്. ആലപ്പുഴ മങ്കൊമ്പ് സ്വദേശിയാണ്.ടിവി ചാനല്‍ പരിപാടികളുടെ അവതരണ മികവുകൊണ്ട് ജനശ്രദ്ധയാകര്‍ഷിച്ച വ്യക്തിത്വമായിരുന്നു.