തിരുവനന്തപുരം: പ്രമുഖ ബില്‍ഡറായ അപ്പോളോ ബില്‍ഡേഴ്‌സ് അപ്പോളോ ഡിമോറ എന്ന ബ്രാന്‍ഡ് നാമത്തില്‍ ആരംഭിക്കുന്ന ഹോട്ടല്‍ ശൃംഖലയിലെ പ്രഥമ ഹോട്ടല്‍ സമുച്ചയം തിരുവനന്തപുരം തമ്പാനൂരില്‍ ഇന്നലെ ഡോ. ശശി തരൂര്‍ എം.പി തിരുവനന്തപുരം, മേയര്‍ അഡ്വ. വി.കെ പ്രശാന്ത് എന്നിവര്‍ ചേര്‍ന്ന് ഉദ്ഘാടനം ചെയ്തു.

ചടങ്ങില്‍ ഹോട്ടലിലെ റൂബി ഹാള്‍ പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി എം.എല്‍.എയും, എമറാള്‍ഡ് ഹാള്‍ വി.എസ് ശിവകുമാര്‍ എം.എല്‍.എയും, ഗാര്‍നെറ്റ് ഹാള്‍ ഒ രാജഗോപാല്‍ എം.എല്‍.എയും, സഫയര്‍ ഹാള്‍ മുന്‍ എം.എല്‍.എ വി ശിവന്‍കുട്ടിയും ഉദ്ഘാടനം ചെയ്തു.
ചടങ്ങില്‍ വാര്‍ഡ് കൗണ്‍സിലര്‍ എം.വി ജയലക്ഷ്മി, അപ്പോളോ ഗ്രൂപ്പ് ചെയര്‍മാന്‍ സി.പി മൂസ ഹാജി, അപ്പോളോ ബില്‍ഡേഴ്‌സ് എം.ഡി എം. ഇബ്രാഹംകുട്ടി എന്‍ജിനീയര്‍, എക്‌സി. ഡയറക്ടര്‍ ഒ.എം.ഒ റഷീദ്, അപ്പോളോ ഡിമോറ ഡയറക്ടര്‍ കൂളത്ത് അബ്ദുറഹ്മാന്‍, ജനറല്‍ മാനേജര്‍ ആനന്ദ് രാമചന്ദ്രന്‍ എന്നിവര്‍ സംബന്ധിച്ചു.