കൊൽക്കത്ത: എയർ ഇന്ത്യ എക്‌സ്പ്രസ് കൊൽക്കത്തയിൽ നിന്ന് കൊച്ചിയിലേക്ക് നേരിട്ടുള്ള വിമാന സർവീസ് ആരംഭിക്കുന്നു. ഏപ്രിലിൽ നേരിട്ടുള്ള വിമാന സർവിസ് ആരംഭിക്കും. കൊച്ചിക്ക് പുറമെ  മണിപ്പൂരിൻ്റെ തലസ്ഥാനമായ ഇംഫാലിലേക്കും കൊൽക്കത്തയിൽ നിന്ന് സർവിസ് ആരംഭിക്കുണ്ട്. ആഴ്ചയിൽ ആകെ ആറ് സർവിസുകളുണ്ടാകും.

കൊൽക്കത്തയിൽ നിന്ന് രാവിലെ 11.25ന് പുറപ്പെടുന്ന കൊൽക്കത്ത - കൊച്ചി വിമാനം ഉച്ചയ്ക്ക് 2.35ന് കൊച്ചിയിലെത്തും. തിരിച്ചുള്ള യാത്ര 3.05ന് കൊച്ചിയിൽ നിന്ന് പുറപ്പെട്ട് 6.10ന് കൊൽക്കത്തയിലെത്തും.

കൊൽക്കത്തയിൽ നിന്ന് രാവിലെ ഏഴിന് പുറപ്പെടുന്ന കൊൽക്കത്ത - ഇംഫാൽ വിമാനം 8.05ന് ഇംഫാലിൽ എത്തും. ഇംഫാലിൽ നിന്ന് രാവിലെ 8.35-ന് മടക്കയാത്ര 10.20-ന് കൊൽക്കത്തയിലെത്തും.