ന്യൂഡല്‍ഹി: 'ദി കശ്മീര്‍ ഫയല്‍സ്' സിനിമയുടെ സംവിധായകന്‍ വിവേക് അഗ്‌നിഹോത്രിയെ വിമര്‍ശിച്ചതിന് സ്റ്റാന്‍ഡ് അപ് കൊമേഡിയന്‍ കുനാല്‍ കമ്രക്കെതിരെ ട്വിറ്ററില്‍ വന്‍ ആക്രമണം. സിനിമയില്‍നിന്നും ലഭിക്കുന്ന വന്‍ ലാഭം വിവേക് അഗ്‌നിഹോത്രി പാവങ്ങളെ സഹായിക്കാന്‍ വിനിയോഗിക്കുമോ എന്നായിരുന്നു സംഘ്പരിവാര്‍ സംഘടനകളുടെ മുഖ്യ ശത്രുക്കളില്‍ ഒരാള്‍ കൂടിയായ കമ്രയുടെ പരിഹാസം. സിനിമുടെ നികുതി വരെ ഒഴികവാക്കി നല്‍കിയ കേന്ദ്ര നിലപാടിനെ കൂടി ചൂണ്ടിക്കാട്ടിയായിരുന്നു അദ്ദേഹത്തിന്റെ പരിഹാസം. പ്രധാനമന്ത്രി മോദിയടക്കമുള്ള നിരവധി ബി.ജെ.പി നേതാക്കളാണ് സിനിമയെ പിന്തുണച്ച് രംഗത്തെത്തിയിരുന്നത്.

കശ്മീര്‍ പണ്ഡിറ്റുകളെ കുറിച്ചുള്ളതാണ് സിനിമയുടെ ഇതിവൃത്തം. എന്നാല്‍ ചരിത്രത്തെ വളച്ചൊടിക്കുന്ന രീതിയിലാണ് ഇത് നിര്‍മിച്ചിരിക്കുന്നത്.