ന്യുഡല്‍ഹി: കോണ്‍ഗ്രസിലെ പദവികള്‍ രാജിവെച്ചതിന് പിന്നാലെ പാര്‍ട്ടിക്കും ബിബിസിക്കുമെതിരെ വീണ്ടും അനില്‍ ആന്റണി. കശ്മീര്‍ ഇല്ലാത്ത ഇന്ത്യയുടെ ഭൂപടം പലതവണ ബിബിസി നല്‍കിയിട്ടുണ്ടെന്ന് അനില്‍ ആന്റണി വിമര്‍ശിച്ചു. ഇന്ത്യയുടെ പരമാധികാരത്തെ ചോദ്യംചെയ്യുന്ന വാര്‍ത്തകള്‍ ബിബിസി നല്‍കിയിട്ടുണ്ട്. കോണ്‍ഗ്രസിന് പറ്റിയ മാധ്യമമാണ് ബിബിസിയെന്ന് എ.ഐ.സി.സി പ്രചാരണ വിഭാഗം അധ്യക്ഷന്‍ ജയറാം രമേശിനെ ടാഗ് ചെയ്ത് അനില്‍ ആന്റണി പരിഹസിച്ചു.

ഗുജറാത്ത് കലാപ കാലത്തെ നരേന്ദ്ര മോദിയുടെ നിലപാടുകള്‍ ചോദ്യംചെയ്ത ബിബിസി ഡോക്യുമെന്ററിയെ അനില്‍ ആന്റണി പരസ്യമായി തള്ളിപ്പറഞ്ഞിരുന്നു. രാജ്യത്തിന്റെ പരമാധികാരത്തിനെതിരെയുള്ള കടന്നാക്രമണമാണ് ബിബിസി ഡോക്യുമെന്ററിയെന്നാണ് അനില്‍ ആന്റണി ട്വീറ്റ് ചെയ്തത്.

Some past shenanigans of BBC , repeat offenders questioning India’s ?? territorial integrity, publishing truncated maps without Kashmir. Independent media without vested interests indeed, and perfect allies for the current @INCIndia and partners. @Jairam_Ramesh @SupriyaShrinate pic.twitter.com/p7M73uB9xh

— Anil K Antony (@anilkantony) January 29, 2023