മുംബൈ: കൊവിഡ് രണ്ടാം തരംഗം രൂക്ഷമായതിനാല്‍ പതിനഞ്ച് ദിവസത്തേക്ക് നിരോധനാജ്ഞ പ്രഖ്യാപിച്ച് മഹാരാഷ്ട്ര മുഖ്യമന്ത്രി ഉദ്ധവ് താക്കറെ. നാളെ രാത്രി എട്ടുമണിമുതല്‍ നിരോധനാജ്ഞ നിലവില്‍ വരും. ലോക്ക്ഡൗണിന് സമാനമായ നിയന്ത്രണങ്ങള്‍ സംസ്ഥാനത്ത് ഉണ്ടാവും.രാവിലെ ഏഴ് മുതല്‍ രാത്രി എട്ടുവരെ ആവശ്യസര്‍വിസുകള്‍ മാത്രമെ അനുവദിക്കുകയുള്ളു. സംസ്ഥാനത്തുടനീളം 144 പ്രഖ്യാപിക്കുന്നതിനാല്‍ നാലുപേരില്‍ അധികം കൂട്ടം കൂടാന്‍പാടില്ല. കൊവിഡ് നിയന്ത്രണം ഉള്ളതിനാല്‍ സാമ്പത്തികമായി പിന്നാക്കം നില്‍ക്കുന്നവര്‍ക്ക് ഭക്ഷ്യകിറ്റുകള്‍ നല്‍കുമെന്ന് സര്‍ക്കാര്‍ പ്രഖ്യാപിച്ചിട്ടുണ്ട്.