മുംബൈ ഇന്ത്യന്‍സിനെതിരേ കൊല്‍ക്കത്തക്ക് അഞ്ചുവിക്കറ്റിന്റെ ജയം. നിശ്ചിത ഓവറില്‍ നാല് വിക്കറ്റ് നഷ്ടത്തില്‍ 161 റണ്‍സെടുക്കാനേ മുംബൈക്ക് കഴിഞ്ഞുള്ളു. മറുപടി ബാറ്റിങ്ങിനിറങ്ങിയ കൊല്‍ക്കത്ത 16 ഓവറില്‍ അഞ്ച് വിക്കറ്റ് നഷ്ടത്തില്‍ 162 റണ്‍സ് സ്വന്തമാക്കി.

പാറ്റ് കമ്മിന്‍സിന്റെ ശക്തമായ ചെറുത്തുനില്‍പാണ് കൊല്‍ക്കത്തക്ക് വിജയം സമ്മാനിച്ചത്. 15 പന്തില്‍ നിന്ന് 56 റണ്‍സാണ് കമ്മിന്‍സ് നേടിയത്. 41 പന്തില്‍ നിന്ന് വെങ്കിടേഷ് അയ്യര്‍ 50 റണ്‍സും സ്വന്തമാക്കി.

36 പന്തില്‍ 52 റണ്‍സെടുത്ത സൂര്യകുമാര്‍ യാദവ് മാത്രമാണ് മുംബൈക്ക് വേണ്ടി മെച്ചപ്പെട്ട പ്രകടനം പുറത്തെടുത്തത്. ക്യാപ്റ്റന്‍ രോഹിത് ശര്‍മക്ക് 12 പന്തില്‍ മൂന്ന് റണ്‍സ് മാത്രമാണ് നേടിയത്.