തിരുവനന്തപുരം: ഭക്ഷ്യസുരക്ഷ വകുപ്പ് നടത്തിയ പരിശോധനയില്‍ തിരുവനന്തപുരത്ത് പാലില്‍ നിന്ന് വിഷാംശം കണ്ടെത്തി. രാസവസ്തുവായ അഫ്‌ളാടോക്‌സിനാണ് കണ്ടെത്തിയത്. പശുവിന് നല്‍കുന്ന തീറ്റയിലൂടെ ഇവ പാലിലെത്തുന്നുവെന്നാണ് പ്രാഥമിക നിഗമനം.

സംസ്ഥാനത്ത് വ്യാപകമായി ഭക്ഷ്യവിഷബാധയുണ്ടാകുന്ന സാഹചര്യത്തില്‍ ചെക്ക് പോസ്റ്റുകളിലുള്‍പ്പടെ ഭക്ഷ്യസുരക്ഷാ വകുപ്പ് പരിശോധന നടത്തിയിരുന്നു. ഈ പരിശോധനയിലാണ് പാലില്‍ രാസവസ്തു കണ്ടെത്തിയത്. 10 ശതമാനം സാമ്പിളുകളില്‍ നിലവില്‍ അഫ്‌ളാടോക്‌സിന്‍ കണ്ടെത്തിയിട്ടുണ്ട്.

ഇതോടെ വന്‍കിട പാല്‍ കച്ചവടക്കാര്‍, ചില്ലറ വ്യാപാരികള്‍, ഡയറി ഫാമുകള്‍,പാല്‍ കച്ചവടക്കാര്‍ തുടങ്ങി എല്ലാ മേഖലകളിലും പരിശോധന കര്‍ശനമാക്കും.