ചങ്ങരംകുളം: ബസ് ജീവനക്കാര്‍ സ്‌കൂള്‍ വിദ്യാര്‍ഥിയെ അപമാനിച്ചതായി പരാതി. ചങ്ങരംകുളം സ്വദേശിയായ വിദ്യാര്‍ഥി രക്ഷിതാവിനോട് വിവരം പറഞ്ഞതനുസരിച്ചു നാട്ടുകാര്‍ ബസ് തടഞ്ഞു ജീവനക്കാരെ ചോദ്യം ചെയ്തു. ഇതു ബസ് ജീവനക്കാരും നാട്ടുകാരും തമ്മില്‍ തര്‍ക്കത്തിനിടയാക്കുകയും ചെയ്തു.
തുടര്‍ന്നു ബസ് ട്രിപ്പ് അവസാനിപ്പിച്ചു ചങ്ങരംകുളം പൊലിസെത്തി ഇരുകൂട്ടരെയും സ്റ്റേഷനില്‍ വിളിച്ചു വിവരങ്ങള്‍ ചോദിച്ചറിഞ്ഞു. അന്വേഷണം നടത്തി നടപടിയെടുക്കുമെന്ന് ചങ്ങരംകുളം അഡീഷണല്‍ എസ്.ഐ ബേബി പറഞ്ഞു.