പാലക്കാട്: പാലക്കാട്ടെ ശ്രീനിവാസന്‍ വധക്കേസില്‍ രണ്ട് പേരുടെ അറസ്റ്റ് രേഖപ്പെടുത്തി. ആറംഗം കൊലയാളി സംഘത്തില്‍പ്പെട്ട അബ്ദുള്‍ റഹ്മാന്‍,ഹയാസ് എന്നിവരുടെ അറസ്റ്റാണ് രേഖപ്പെടുത്തിയത്.

കൊലയാളി സംഘത്തിന്റെ സ്‌കൂട്ടര്‍ ഓടിച്ചത് അബ്ദുള്‍ റഹ്മാനാണ്. നാളെ രാവിലെ ഒന്‍പത് മണിക്ക് പ്രതികളുമായി തെളിവെടുപ്പ് നടത്തും.പ്രതിപ്പട്ടികയിലുള്ളവരുടെ എണ്ണം ഇനിയും വര്‍ധിച്ചേക്കുമെന്നാണ് സൂചന. കൊലയാളി സംഘത്തിലെ മറ്റുള്ളവരെ കുറിച്ചും കൃത്യമായ വിവരം ലഭിച്ചിട്ടുണ്ടെന്ന് ഐജി അശോക് യാദവ് പറഞ്ഞു.