കണ്ണൂർ/കോഴിക്കോട്
ഹരിദാസൻ വധക്കേസിലെ പ്രതിക്ക് ഒളിത്താവളം ഒരുക്കിയ കേസിൽ അറസ്റ്റിലായ രേഷ്മയെ ജാമ്യത്തിലിറക്കിയത് ബി.ജെ.പിക്കാരെന്ന് സി.പി.എം കണ്ണൂർ ജില്ലാ സെക്രട്ടറി എം.വി ജയരാജൻ. ജാമ്യത്തിലിറങ്ങിയ രേഷ്മയെ സ്വീകരിച്ചത് ബി.ജെ.പി മണ്ഡലം സെക്രട്ടറിയുടെ നേതൃത്വത്തിലാണ്.
ബി.ജെ.പിയുടെ സ്ഥിരം അഭിഭാഷനാണ് ഇവർക്കുവേണ്ട നിയമസഹായം നൽകിയത്. രേഷ്മയും ഭർത്താവും സി.പി.എം കുടുംബത്തിൽ നിന്നുള്ളവരാണെന്നുള്ളത് വസ്തുതാവിരുദ്ധമാണ്. രേഷ്മക്ക് പ്രതി നിജിൽദാസുമായി അടുത്ത ബന്ധമാണുള്ളത്. ഒളിവിൽ കഴിഞ്ഞ പ്രതിക്ക് രേഷ്മ ഭക്ഷണമടക്കം തയാറാക്കി നൽകിയിട്ടുണ്ട്. എന്നാൽ, രേഷ്മക്കെതിരേ സൈബറിടത്തിൽ വ്യക്തിഹത്യ നടത്തേണ്ടതില്ല. ആർ.എസ്.എസുകാരനായ കൊലക്കേസ് പ്രതിയെ ഒളിവിൽ താമസിപ്പിച്ചത് ആർ.എസ്.എസ് ബന്ധമല്ലാതെ മറ്റെന്താണെന്നും അദ്ദേഹം ചോദിച്ചു.