ചേളാരി:  സമസ്തയുടെ മദ്‌റസകളില്‍ പുതുതായി പ്രാക്ടിക്കല്‍ പഠനവും പരീക്ഷയും ഏര്‍പ്പെടുത്തിയത് ശ്രദ്ധേയമായി. പത്ത് ദിവസത്തോളം നീണ്ടുനില്‍ക്കുന്ന പ്രവൃത്തിപരിശീലന ക്ലാസിന് സമസ്ത കേരള ജംഇയ്യത്തുല്‍ മുഅല്ലിമീനാണ് നേതൃത്വം നല്‍കുന്നത്. ഓരോ ക്ലാസുകളിലേക്കും പ്രത്യേക സിലബസ് തയ്യാറാക്കിയിട്ടുണ്ട്. അതുപ്രകാരം നിത്യജീവിതത്തില്‍ പ്രാവര്‍ത്തികമാക്കേണ്ട വിശ്വാസാനുഷ്ഠാന കാര്യങ്ങളാണ് പരിശീലിപ്പിക്കുക. മാര്‍ച്ച് 18-ന് പ്രാക്ടിക്കല്‍ പരീക്ഷ നടത്തും. മദ്‌റസാ പഠനം കാര്യക്ഷമവും ശാസ്ത്രീയവുമാക്കുന്നതിന്റെ ഭാഗമായാണ് പ്രാക്ടിക്കല്‍ പഠനവും പരീക്ഷയും സംഘടിപ്പിക്കുന്നതെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ പരീക്ഷാ ബോര്‍ഡ് ചെയര്‍മാന്‍ കൊടക് അബ്ദുറഹ്മാന്‍ മുസ്‌ലിയാര്‍ അറിയിച്ചു.