കൊച്ചി: പൊലിസില്‍ നിന്ന് സിനിമയിലെത്തി ഒട്ടേറെ വില്ലന്‍ കഥാപാത്രങ്ങള്‍ക്ക് ജീവന്‍ പകര്‍ന്ന നടന്‍ പി.സി ജോര്‍ജ് അന്തരിച്ചു. 74 വയസ്സായിരുന്നു.
കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ശാരീരിക അവശതകളെ തുടര്‍ന്ന് കുറെ നാളായി കലാരംഗത്ത് സജീവമായിരുന്നില്ല.
സ്‌പെഷല്‍ ബ്രാഞ്ചില്‍ നിന്ന് എസ്.പിയായി വിരമിച്ച ഇദ്ദേഹം സര്‍വിസിലിരിക്കേ സിനിമയില്‍ എത്തിയിരുന്നു. 68 ഓളം സിനിമകളില്‍ വേഷമിട്ടു.

ചാണക്യന്‍, അഥര്‍വ്വം, ഇന്നലെ, സംഘം തുടങ്ങി നിരവധി ചിത്രങ്ങളില്‍ ശ്രദ്ധേയമായ വേഷങ്ങള്‍ ചെയ്തിട്ടുണ്ട്.
കെ.ജി ജോര്‍ജ്, ജോഷി തുടങ്ങി നിരവധി പ്രമുഖരായ സംവിധായകര്‍ക്കൊപ്പം പ്രവര്‍ത്തിച്ചു. സംഘം സിനിമയിലെ അദ്ദേഹത്തിന്റെ പ്രായിക്കര അപ്പ ഏറെ ശ്രദ്ധിക്കപ്പെട്ട കഥാപാത്രമാണ്.