കൊച്ചി: ഓട്ടിസം ബാധിച്ച കുട്ടിക്ക് നേരെ പിതാവിന്റെ ക്രൂരമര്‍ദ്ദനം. മാതാവിന്റെ പരാതിയില്‍ മട്ടാഞ്ചേരി സ്വദേശി സുധീറിനെ പൊലിസ് കസ്റ്റഡിയില്‍ എടുത്തു.

പറഞ്ഞ കാര്യങ്ങള്‍ അനുസരിക്കാത്തതിനും വീട്ടില്‍ നിന്നും പുറത്തുപോയതിനുമാണ് കുട്ടിയെ ക്രൂരമായി മര്‍ദ്ദിച്ചത്. മാതാവ് തടയാന്‍ ശ്രമിച്ചെങ്കിലും സുധീര്‍ പിന്മാറാന്‍ തയ്യാറായില്ല.

പിന്നാലെ മാതാവ് തന്നെയാണ് മകനെ മര്‍ദ്ദിക്കുന്ന ദൃശ്യങ്ങള്‍ പകര്‍ത്തിയത്. സംഭവം സമൂഹമാധ്യമങ്ങളില്‍ പ്രചരിച്ചതോടെ ഫോര്‍ട്ട് കൊച്ചി പൊലിസ് കുട്ടിയുടെ വീട്ടിലെത്തി സുധീറിനെ കസ്റ്റഡിയിലെടുക്കുകയായിരുന്നു. പ്രതിയെ നാളെ കോടതിയില്‍ ഹാജരാക്കും.