ഐപിഎല്ലില്‍ ഇന്ന് നടക്കുന്ന ആദ്യ മത്സരത്തില്‍ കൊല്‍ക്കത്ത നൈറ്റ് റൈഡേഴ്സ്ലഖ്നൗ സൂപ്പര്‍ ജയന്റ്സിനെ നേരിടും. ഐക്കോണിക്ഗ്രൗണ്ടായഈഡന്‍ഗാര്‍ഡന്‍സില്‍ വൈകിട്ട് 3.30 നാണ് മത്സരം. ടൂര്‍ണമെന്റിലെ ആദ്യ മൂന്ന് മത്സരങ്ങള്‍ വിജയിച്ചതിന് ശേഷം, ചാമ്പ്യന്‍മാരായ ചെന്നൈ സൂപ്പര്‍ കിംഗ്സിനെതിരായ അവസാന മത്സരത്തിലാണ് കെകെആര്‍ പരാജയപ്പെട്ടത്. എന്നാല്‍ ഇന്ന് ലഖ്‌നൗവിനെ നേരിടുമ്പോള്‍ ഹോം ഗ്രൗണ്ടിന്റെ ആനുകൂല്യം കൊല്‍ക്കത്തയ്ക്കാണ്.

മറുവശത്ത് ലഖ്‌നൗ പോയിന്റ് പട്ടികയില്‍ നാലാം സ്ഥാനത്താണ്. ഇതുവരെ കളിച്ച അഞ്ച് മത്സരങ്ങളില്‍ മൂന്ന് മത്സരങ്ങളും ടീം ജയിച്ചിട്ടുണ്ട്. ഡല്‍ഹി ക്യാപിറ്റല്‍സിനെതിരായ അവസാന മത്സരത്തിലാണ് ടീം ബാറ്റിംഗ് തകര്‍ച്ച നേരിട്ട് ആറ് വിക്കറ്റിന് കളി കൈവിട്ടത്.

കൊല്‍ക്കത്തയില്‍ ബൗണ്ടറികള്‍ വളരെ ചെറുതാണ്. അതുകൊണ്ടുതന്നെ ആരാധകര്‍ക്ക് വിരുന്ന് ഒരുക്കുന്ന തരത്തില്‍ റണ്‍മല ഉയരുന്ന മത്സരമാവും ഇന്ന് നടക്കുക. ടോസ് നേടുന്ന ടീം ആദ്യം ബോളിങ് തെരഞ്ഞെടുക്കാനാണ് സാധ്യത.

കൊല്‍ക്കത്ത ടീം:
ശ്രേയസ് അയ്യര്‍(ക്യാപ്റ്റന്‍),നിതീഷ്‌റാണ,റിങ്കു സിംഗ്,റഹ്‌മാനുള്ള ഗുര്‍ബാസ്,സുനില്‍ നരെയ്ന്‍,ജേസണ്‍ റോയ്,സുയാഷ് ശര്‍മ്മ,അനുകുല്‍ റോയ്,ആന്ദ്രെ റസ്സല്‍,വെങ്കിടേഷ് അയ്യര്‍,ഹര്‍ഷിത് റാണ,വൈഭവ് അറോറ,വരുണ്‍ ചക്രവര്‍ത്തി,കെ എസ് ഭരത്,ചേതന്‍ സ്‌കറിയ,മിച്ചല്‍ സ്റ്റാര്‍ക്ക്,അംഗൃഷ് രഘുവംശി,രമണ്‍ദീപ് സിംഗ്,ഷെര്‍ഫാന്‍ റഥര്‍ഫോര്‍ഡ്,മനീഷ് പാണ്ഡെ,മുജീബ് റഹ്‌മാന്‍,ഗസ് അറ്റ്കിന്‍സണ്‍,സാക്കിബ് ഹുസൈന്‍

ലഖ്‌നൗ ടീം: 
കെ എല്‍ രാഹുല്‍(ക്യാപ്റ്റന്‍),ക്വിന്റണ്‍ ഡി കോക്ക്,നിക്കോളാസ് പൂറന്‍,ആയുഷ് ബഡോണി,കൈല്‍ മേയേഴ്‌സ്,മാര്‍ക്കസ് സ്റ്റോയിനിസ്,ദീപക് ഹൂഡ,രവി ബിഷ്‌ണോയ്,നവീന്‍ ഉള്‍ ഹഖ്,ക്രുണാല്‍ പാണ്ഡ്യ,യുധ്വീര്‍ സിംഗ്,പ്രേരക് മങ്കാട്,യാഷ് താക്കൂര്‍,അമിത് മിശ്ര,മാര്‍ക്ക് വുഡ്,മായങ്ക് യാദവ്, മൊഹ്‌സിന്‍ ഖാന്‍,ദേവദത്ത് പടിക്കല്‍, ശിവം മാവി,അര്‍ഷിന്‍ കുല്‍ക്കര്‍ണി,എം സിദ്ധാര്‍ത്ഥ്,ആഷ്ടണ്‍ ടര്‍ണര്‍,ഡേവിഡ് വില്ലി,മൊഹമ്മദ്അര്‍ഷാദ് ഖാന്‍