കാബൂള്‍: അഫ്ഗാനിസ്ഥാനിലെ കുന്ദൂസ് താലിബാനില്‍ നിന്ന് സൈന്യം തിരിച്ചുപിടിച്ചു. പ്രവിശ്യാ ഗവര്‍ണറാണ് ഇക്കാര്യം അറിയിച്ചത്. കന്ദാബാദ് ജില്ല താലിബാനില്‍ നിന്ന് മോചിപ്പിച്ചതായി ഗവര്‍ണര്‍ അസദുല്ല ഉമര്‍ഖേല്‍ പറഞ്ഞു. എന്നാല്‍ ജില്ലാ ആസ്ഥാനത്തിനു സമീപം താലിബാന്‍ സാന്നിധ്യം ഇപ്പോഴുമുണ്ടെന്ന് പ്രാദേശികവൃത്തങ്ങളെ ഉദ്ധരിച്ച് ബി.ബി.സി റിപ്പോര്‍ട്ട് ചെയ്തു.
അഫ്ഗാനിലെ സ്വതന്ത്ര ടി.വി ചാനലായ ടോളോ ടി.വിയും കുന്ദൂസ് തിരിച്ചുപിടിച്ചതായി റിപ്പോര്‍ട്ട് ചെയ്തു. ശനിയാഴ്ച താലിബാനെതിരേ വിവിധ മേഖലകളില്‍ നിന്ന് ആക്രമണമുണ്ടായിരുന്നു. കഴിഞ്ഞ വര്‍ഷമാണ് നഗരം താലിബാന്‍ പിടിച്ചെടുത്തത്. 2014 ല്‍ അന്താരാഷ്ട്ര സേന പിന്മാറിയതിനെ തുടര്‍ന്നാണ് താലിബാന്‍ അഫ്ഗാനില്‍ ശക്തിപ്രാപിച്ചത്.