കാക്കനാട്: നാലു വയസുകാരിയായ മകളെ പീഡിപ്പിച്ച പിതാവ് അറസ്റ്റില്‍. കാക്കനാട് സ്വദേശിയായ 34 വയസ്സുകാരനെയാണ് ഇന്‍ഫോപാര്‍ക്ക് പൊലിസ് അറസ്റ്റ് ചെയ്തത്. കഴിഞ്ഞ പതിനൊന്നിനായിരുന്നു സംഭവം.
ഇളയ കുട്ടിക്ക് സുഖമില്ലാതെ മാതാവ് ആശുപത്രിയില്‍ കൊണ്ടുപോയ സമയത്തായിരുന്നു പീഡനമെന്ന് പൊലിസ് പറഞ്ഞു. സ്‌കൂളില്‍ കുട്ടി അസ്വസ്ഥത പ്രകടിപ്പിക്കുന്നത് ശ്രദ്ധയില്‍പ്പെട്ട ക്ലാസ് ടീച്ചര്‍ വിവരം തിരക്കിയപ്പോഴാണ് സംഭവം പുറത്തറിയുന്നത്. തുടര്‍ന്ന് അധ്യാപകര്‍ കുട്ടിയെ ആശുപത്രിയില്‍ എത്തിച്ചു. പരിശോധനയില്‍ കുട്ടി ശാരീരികമായി പീഡിപ്പിക്കപ്പെട്ടതായി തെളിഞ്ഞു. കുട്ടിയുടെ മാതാവിന്റെ പരാതിയിലാണ് ഇന്‍ഫോപാര്‍ക്ക് പൊലിസ് കേസ് രജിസ്റ്റര്‍ ചെയ്തത്. പ്രതിയെ റിമാന്‍ഡ് ചെയ്തു.