HOME
DETAILS

സഊദിയിൽ വാഹനാപകടം; ആലപ്പുഴ സ്വദേശിക്ക് ദാരുണാന്ത്യം

  
backup
April 11 2023 | 16:04 PM

saudi-arabia-accident-alappuzha-native-abdul-salam

റിയാദ്: സഊദി അറേബ്യയിലുണ്ടായ വാഹനാപകടത്തിൽ ആലപ്പുഴ സ്വദേശി മരിച്ചു. ചേർത്തല കുറ്റിയത്തോട് തറയിൽ അബ്ദുൽ സലാം (56) ആണ് മരിച്ചത്. ചൊവ്വാഴ്ച രാവിലെ തെക്കൻ പ്രവിശ്യയിലെ ബിഷക്കടുത്ത് ഖൈബർ ജനൂബിലുണ്ടായ അപകടത്തിലാണ് മരണം. ഇദ്ദേഹം ഓടിച്ചിരുന്ന കാര്‍ ജീപ്പുമായി കൂട്ടിയിടിക്കുകയായിരുന്നു.

20 വർഷമായി അറേബ്യൻ ട്രേഡിങ്ങ് സപ്ലൈസ് കമ്പനിയിൽ ഗാലക്സി വിഭാഗം സെയിൽസ്‍മാനായിരുന്നു മരിച്ച അബ്ദുൽ സലാം. കുടുംബസമേതം സഊദിയിൽ താമസിച്ച് വരികയായിരുന്നു. റാബിയയാണ് ഭാര്യ. തസ്നീഹ് സുൽത്താന, തൻസീഹ് റഹ്മാൻ എന്നിവർ മക്കളാണ്. കഴിഞ്ഞ ദിവസമാണ് മകൾ തസ്നീഹ് സുൽത്താന സന്ദർശക വിസയിൽ സഊദിയിലെത്തിയത്. മകൻ തൻസീഹ് റഹ്മാൻ തുടർ പഠനാർഥം നാട്ടിലാണ്. പിതാവ് - കൊച്ചു മുഹമ്മദ്. മാതാവ് - സഹറത്ത്. മരുമകൻ - സിൽജാൻ.

ഖമീസ് മുശൈത്ത് മദനി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം തുടർനടപടികൾക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."