കണ്ണൂര്‍: പ്രായപൂര്‍ത്തിയാക്കാത്ത ആണ്‍കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ സി.പി.എം മുന്‍ ബ്രാഞ്ച് സെക്രട്ടറി അറസ്റ്റില്‍. വേശാല നെല്യോട്ട് വയലിലെ കെ പ്രശാന്ത് ആണ് അറസ്റ്റിലായത്.

ബാലസംഘം പ്രവര്‍ത്തകനെയാണ് പ്രശാന്ത് പീഡിപ്പിച്ചത്. ഒരാഴ്ച്ച മുന്‍പ് ബാലസംഘം പ്രവര്‍ത്തനത്തിന് എത്തിയ കുട്ടിയെ ആണ് ഇയാള്‍ പീഡിപ്പിച്ചത്.

ഒളിവിലായിരുന്ന പ്രതിയെ കഴിഞ്ഞ ദിവസമാണ് അറസ്റ്റ് ചെയ്തത്. രക്ഷിതാക്കള്‍ ചൈല്‍ഡ് ലൈനില്‍ നല്‍കിയ പരാതിയുടെ അടിസ്ഥാനത്തിലാണ് പൊലിസ് കേസെടുത്തത്.

നെല്യോട്ട് വയല്‍ ബ്രാഞ്ച് സെക്രട്ടറിയായിരുന്ന പ്രശാന്തിനെ പീഡന ആരോപണം ഉയര്‍ന്നതിനു പിന്നാലെ സ്ഥാനത്തുനിന്നും നീക്കം ചെയ്തിരുന്നു.