കോഴിക്കോട്: കേരള സോഷ്യലിസ്റ്റ് യുവജന ഫെഡറേഷന്‍ ജില്ലാ പ്രവര്‍ത്തക കണ്‍വന്‍ഷന്‍ സി.എം.പി ജില്ലാ സെക്രട്ടറി ജി നാരായണന്‍കുട്ടി ഉദ്ഘാടനം ചെയ്തു. കണ്‍വന്‍ഷനില്‍ കെ.എസ്.വൈ.എഫ് സംസ്ഥാന സെക്രട്ടറി കെ.എ കുര്യന്‍ മുഖ്യ പ്രഭാഷണം നടത്തി.
സി.എം.പി ജില്ലാ കമ്മറ്റിയംഗങ്ങളായ പി ബൈജു, ചാലില്‍ മൊയ്തീന്‍ കോയ തുടങ്ങിയവര്‍ പ്രസംഗിച്ചു. എം സുധീഷ് സ്വാഗതവും, ദിജീഷ് കോട്ടായി നന്ദിയും പറഞ്ഞു.
അഷറഫ് മണക്കടവ് അധ്യക്ഷനായി. എം സുധീഷ് സെക്രട്ടറിയായും, അഷറഫ് മണക്കടവ് പ്രസിഡന്റായുമുള്ള ഇരുപത്തൊന്നംഗ  ജില്ലാ കമ്മിറ്റിയെ കണ്‍വന്‍ഷന്‍ തെരഞ്ഞെടുത്തു. കെ.എസ്.വൈ.എഫ് സംസ്ഥാന കണ്‍വന്‍ഷന്‍ ആഗസ്റ്റ് 25 ന് കോഴിക്കോട് ജയ ഓഡിറ്റോറിയത്തില്‍ നടക്കും.