മെഗാദിശു: സൊമാലിയയില്‍ ഇരട്ട ചാവേര്‍ ആക്രമണങ്ങളില്‍ 13 പേര്‍ കൊല്ലപ്പെട്ടു. മധ്യ സൊമാലിയയിലെ ഗല്‍കായോ ടൗണിലാണ് ഇരട്ടചാവേര്‍ ആക്രമണങ്ങള്‍ നടന്നത്. ആക്രമണത്തിന്റെ ഉത്തരവാദിത്വം അല്‍ശബാബ് ഏറ്റെടുത്തു. പ്രാദേശിക സര്‍ക്കാര്‍ ആസ്ഥാനത്തിനു സമീപം സ്‌ഫോടകവസ്തു നിറച്ച കാര്‍ പൊട്ടിത്തെറിച്ചാണ് ആദ്യ ആക്രമണം.
ഇവിടെ രക്ഷാപ്രവര്‍ത്തനം നടക്കുന്നതിനിടെയായിരുന്നു രണ്ടാമത്തെ ആക്രമണം. മിനുട്ടുകള്‍ക്കിടയിലായിരുന്നു രണ്ടാമത്തെ ആക്രമണം നടന്നത്. ട്രക്കിലാണ് ശക്തിയേറിയ ബോംബ് സ്ഥാപിച്ചിരുന്നത്. സൊമാലിയന്‍ സര്‍ക്കാരിനെ അന്താരാഷ്ട്ര സേന സഹായിക്കുന്നതിനെതിരേയാണ് അല്‍ശബാബ് ആക്രമണം നടത്തുന്നത്.

അല്‍ശബാബ് കമാന്‍ഡറെ സൈന്യം പിടികൂടിയതിനു പിന്നാലെയാണ് ഇരട്ട ചാവേര്‍ ആക്രമണമുണ്ടായത്.