കണ്ണൂര്‍: പേരാവൂരില്‍ യൂത്ത് ലീഗ് പ്രവര്‍ത്തകനെ മര്‍ദ്ദിച്ച സംഭവത്തില്‍ പത്ത് സി.പി.എം പ്രവര്‍ത്തകര്‍ക്കെതിരെ ജാമ്യമില്ല വകുപ്പ് ചുമത്തി പൊലിസ് കേസെടുത്തു. പൂക്കോത്ത് സിറാജിനെ മര്‍ദ്ദിച്ചതിലാണ് കേസ്. കോണ്‍ഗ്രസ് നേതാക്കളെ മര്‍ദ്ദിച്ചതില്‍ പേരാവൂര്‍ ബ്ലോക്ക് കോണ്‍ഗ്രസ് കമ്മിറ്റി നടത്തിയ പ്രതിഷേധ പ്രകടനം നോക്കിനില്‍ക്കവെയാണ് സിറാജിനെ സി.പി.എം പ്രവര്‍ത്തകര്‍ ആക്രമിച്ചത്. മര്‍ദ്ദനത്തില്‍ ഗുരുതരമായി പരുക്കേറ്റ സിറാജ് തലശ്ശേരി സ്വകാര്യ ആശുപത്രിയില്‍ ചികിത്സയിലാണ്.
ബുധനാഴ്ച വൈകീട്ട് ആണ് സംഭവം. പരുക്കേറ്റ സിറാജിനെ പൊലിസ് ആണ് ആശുപത്രിയില്‍ എത്തിച്ചത്. ഇയാളുടെ മൊഴിയുടെ അടിസ്ഥാനത്തിലാണ് കേസെടുത്തിരിക്കുന്നത്.