കല്‍പ്പറ്റ: ഖുര്‍ആന്‍ മനുഷ്യരെ സാംസ്‌കാരിക ബോധമുള്ളവരാക്കുമെന്നും പഠിച്ചതനുസരിച്ച് പ്രവര്‍ത്തിക്കാന്‍ വിദ്യാര്‍ഥി സമൂഹം തയ്യാറാവണമെന്നും എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് ഹമീദലി ശിഹാബ് തങ്ങള്‍ ആവശ്യപ്പെട്ടു.
ശംസുല്‍ ഉലമാ ഇസ്‌ലാമിക്ക് അക്കാദമിയില്‍ ഹാഫിളുകള്‍ക്കുള്ള തുടര്‍ പഠന കോഴ്‌സായ തന്‍മിയത്തുല്‍ ഹുഫാള് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി. പാണക്കാട് ശഹീറലി ശിഹാബ് തങ്ങള്‍ പ്രാര്‍ഥനക്ക് നേതൃത്വം നല്‍കി. പിണങ്ങോട് അബൂബക്കര്‍ ഹാജി മുഖ്യപ്രഭാഷണം നടത്തി.
എസ്. മുഹമ്മദ് ദാരിമി, ടി.സി അലിമുസ്‌ലിയാര്‍, പി.സി ഇബ്രാഹിം ഹാജി, പനന്തറ മുഹമ്മദ്, പി. കുഞ്ഞബ്ദുല്ല ഹാജി, യു. കുഞ്ഞുമുഹമ്മദ്, കെ. അലി മാസ്റ്റ്ര്‍, കെ.എ നാസര്‍ മൗലവി, ഉസ്മാന്‍ കാഞ്ഞായി, കെ.സി.കെ തങ്ങള്‍, അബ്ദുല്‍ റഹ്മാന്‍ തലപ്പുഴ, സി.എം കുട്ടി സഖാഫി, പി. ഇബ്രാഹീം മാസ്റ്റര്‍, എ.കെ സുലൈമാന്‍ മൗലവി സംബന്ധിച്ചു. ഇബ്രാഹിം ഫൈസി പേരാല്‍ സ്വാഗതവും ശംസുദ്ധീന്‍ റഹ്മാനി നന്ദിയും പറഞ്ഞു.