മുംബൈ: സൂറത്തിലെ ഹോട്ടലിലേക്ക് മാറിയ വിമത ശിവസേനാ എം.എല്‍.എമാരിലൊരാളെ കാണാനില്ലെന്ന് കാണിച്ച് പരാതി നല്‍കി ഭാര്യ. ബാലാപൂര്‍ നിയമസഭാ മണ്ഡലത്തിലെ എം.എല്‍.എ നിതിന്‍ ദേശ്മുഖിന്റെ ഭാര്യ പ്രജ്ഞലിയാണ് പരാതി നല്‍കിയത്.

ജൂണ്‍ 20ന് വൈകീട്ട് ഏഴുമണിക്കാണ് ഭര്‍ത്താവുമായി അവസാനം സംസാരിച്ചതെന്നും പിന്നീട് ആശയവിനിമയം നടത്തിയിട്ടില്ലെന്നും ഇവര്‍ അകോല പൊലീസ് സ്‌റ്റേഷനില്‍ നല്‍കിയ പരാതിയില്‍ പറഞ്ഞു.

ദേശ്മുഖിന്റെ ജീവന് ഭീഷണിയുള്ളതായും പരാതിയില്‍ ചൂണ്ടിക്കാട്ടി. അസ്വസ്ഥതയുണ്ടായതിനെ തുടര്‍ന്ന് ദേശ്മുഖിനെ സൂറത്തിലെ ആശുപത്രിയില്‍ പ്രവേശിപ്പിച്ചതായി വാര്‍ത്തയുണ്ടായിരുന്നു. ചില എം.എല്‍.എമാരെ ഷിന്‍ഡെ തെറ്റിദ്ധരിപ്പിക്കുകയായിരുന്നുവെന്നും അവര്‍ മടങ്ങാന്‍ സന്നദ്ധരാണെന്നും ഒരു ശിവസേനാ നേതാവ് പറഞ്ഞിരുന്നു.