നിരവധി തൊഴിലവസരങ്ങള്‍ ലോകമെമ്പാടും വെച്ച് നീട്ടുന്ന മേഖലയാണ് ഐ.ടി.
കഴിവുളളവര്‍ക്ക് സ്വദേശത്തും വിദേശത്തും മികച്ച തൊഴിലവസരങ്ങളാണ് ഐ.ടി മേഖലയില്‍ ഉളളവരെ കാത്തിരിക്കുന്നത്. പുതിയകാലത്ത് മാറുന്ന തൊഴില്‍ സംസ്‌ക്കാരത്തിലും ഐ.ടി മേഖലയിലുളളവര്‍ക്ക് മികച്ച സാധ്യതകളുണ്ടെന്നാണ് കണക്കാക്കപ്പെടുന്നത്.
ഇന്ത്യക്ക് പുറത്ത് യൂറോപ്പിലും അമേരിക്കയിലും മാറിമറിയുന്ന ടെക്ക്‌നോളജിക്കൊപ്പം ഐ.ടി മേഖലയുടെ സാധ്യകളും വാനോളം ഉയര്‍ന്നിരിക്കുകയാണ്.

ഐ.ടി വിഭാഗത്തില്‍ ഉള്‍പ്പെടുന്ന ഏതാണ്ട് എല്ലാ തൊഴില്‍ മേഖലകളിലേക്കും തൊഴിലാളികളെ എല്ലായ്‌പ്പോഴും ആവശ്യമുണ്ട് എന്നത്‌കൊണ്ട് തന്നെ തൊഴില്‍ ക്ഷാമം എന്നത് ഈ മേഖലയിലുളളവരെ അധികം ബാധിക്കുകയില്ല, എന്നാണ് പുറത്ത് വരുന്ന റിപ്പോര്‍ട്ടുകള്‍ സൂചിപ്പിക്കുന്നത്.

ഐ.ടി മേഖലയിലെ തൊഴില്‍ അവസരങ്ങള്‍

പ്രൊജക്ട് മാനേജര്‍

യൂറോപ്പിലും വടക്കന്‍ അമേരിക്കയിലുമടക്കം നിരവധി തൊഴില്‍ സാധ്യതകള്‍ ഉളള പോസ്റ്റാണിത്. ഐ.ടി പ്രൊജക്ടുകള്‍ കൃത്യമായി പൂര്‍ത്തിയാക്കാനും, പ്ലാന്‍ ചെയ്യാനും അതിന് ബഡ്ജറ്റ് തയ്യാറാക്കാനുമൊക്കെ ഇത്തരം പ്രൊജക്ട് മാനേജര്‍മാരെ ആവശ്യമുണ്ട്. പ്രതിവര്‍ഷം ഒരു കോടിക്ക് അടുത്തുവരെ ഇവര്‍ക്ക് ശരാശരി പ്രതിഫലം ലഭിക്കുന്നുണ്ട്.

ഡെവലപ്പേഴ്‌സ്

ഡെവലപ്പ് എഞ്ചിനീയര്‍മാരാണ് ഐ.ടി വിഭാഗത്തില്‍ വലിയ തൊഴിലവസരവും ശമ്പളവുമുളള മറ്റൊരു കൂട്ടര്‍. സോഫ്റ്റ് വെയറുകള്‍, ആപ്ലിക്കേഷനുകള്‍ എന്നിവ ഡെവലപ്പ് ചെയ്യുക എന്നതാണ് ഇത്തരക്കാരുടെ തൊഴില്‍. ഈ തൊഴില്‍ ചെയ്യുന്നവര്‍ക്കും ശരാശരി ഒരു കോടിക്ക് മുകളില്‍ വാര്‍ഷിക ശമ്പളം ലഭിക്കുന്നുണ്ട്.

പ്രോഗ്രാം അനലിസ്റ്റുകള്‍

ഒരു പ്രോഗ്രാം അനലൈസ് ചെയ്ത് അതിന്റെ അതിന്റെ ബഡ്ജറ്റ് ട്രാക്ക് ചെയ്യുക എന്നതാണ് പ്രോഗ്രാം അനലിസ്റ്റികള്‍ ചെയ്യുന്ന പ്രധാന തൊഴില്‍. ഒരു പ്രൊജക്ടിറ്റിന്റെ പോസിറ്റീവുകള്‍,റിസ്‌ക്കുകള്‍ എന്നിവ കമ്പനിയെ അറിയിക്കലാണ് ഇവരുടെ ജോലി.

ഇന്‍ഫര്‍മേഷന്‍ സിസ്റ്റം മാനേജര്‍

കമ്പനിയുടെ ഇന്‍ഫര്‍മേഷന്‍ സിസ്റ്റം പ്രൊജക്ടുകളില്‍ കൃത്യമായി വിനിയോഗിക്കപ്പെടുന്നുണ്ടെന്ന് ഉറപ്പ് വരുത്തുകയാണ് ഇവര്‍ ചെയ്യുന്നത്. വളരെ വലിയ അവസരങ്ങളും ശമ്പളവും വാഗ്ധാനം ചെയ്യുന്ന ഈ തൊഴിലിന് ഏകദേശം 1.10 കോടി രൂപയോളം ശരാശരി വാര്‍ഷിക വരുമാനം ലഭിക്കുന്നതാണ്.

സൈബര്‍ സെക്യൂരിറ്റി

ഐ.ടി മേഖലയിലെ സുരക്ഷയുടെ മേല്‍നോട്ടം വഹിക്കുന്നവരാണിവര്‍. ഡാറ്റ, നെറ്റ് വര്‍ക്ക് എന്നിവയുടെയൊക്കെ സുരക്ഷ ഉറപ്പ് വരുത്തുന്ന ഇവര്‍ക്ക് 1.20 കോടി രൂപവരെയാണ് മാസശമ്പളം ലഭിക്കുന്നത്.

ഇതിനൊപ്പം എണ്ണിയാലൊടുങ്ങാത്ത നിരവധി തൊഴില്‍ അവസരങ്ങളും ഐ.ടി മേഖലയിലുളളവരെ കാത്തിരിക്കുന്നുണ്ട്. ഐ.ടി മാനേജ്‌മെന്റ്, ഹെല്‍പ്പ് ഡെസ്‌ക്ക് ടെക്‌നീഷ്യന്‍, സിസ്റ്റം എഞ്ചിനീയര്‍, ആപ്ലിക്കേഷന്‍ സപ്പോര്‍ട്ട് എഞ്ചിനീയര്‍, നെറ്റ് വര്‍ക്ക് എഞ്ചിനീയര്‍ ഐ.ടി മേഖലയില്‍ നിരവധി തൊഴിലവസരങ്ങള്‍ പ്രധാനം ചെയ്യുന്ന മറ്റു ജോലികള്‍.

Content Highlights:-i.t sector have lot of vaccancies including usa