തെരുവുനായ ശല്യം: കോഴിക്കോട് ജില്ലയിലെ ഏഴ് സ്‌കൂളുകള്‍ക്ക് ഇന്ന് അവധി

കോഴിക്കോട്: കോഴിക്കോട് കൂത്താളിയില്‍ തെരുവുനായ ശല്യത്തെ തുടര്‍ന്ന് സ്‌കൂളുകള്‍ക്ക് അവധി പ്രഖ്യാപിച്ചു. അംഗനവാടികള്‍ക്കും അവധിയാണ്. അക്രമകാരിയായ തെരുവുനായകളെ പിടികൂടാന്‍ സാധിക്കാത്ത സാഹചര്യത്തിലാണ് സ്‌കൂളുകള്‍ക്ക് അവധി.

ഞായറാഴ്ച വൈകിട്ട് കൂത്താളിയില്‍ നാല് പേര്‍ക്ക് നായയുടെ കടിയേറ്റിരുന്നു. പരുക്കേറ്റവരെ പേരാമ്പ്ര താലൂക്ക് ആശുപത്രിയിലും കോഴിക്കോട് മെഡിക്കല്‍ കോളേജ് ആശുപത്രിയിലും പ്രവേശിച്ചു. ആരുടെയും പരുക്ക് ഗുരുതരമല്ല. ഇന്ന് രാവിലെയും തെരുവ് നായയുടെ ആക്രമണത്തില്‍ ഒരാള്‍ക്ക് പരുക്കേറ്റിരുന്നു. തുടര്‍ന്ന് നടത്തിയ തെരച്ചിലില്‍ നായയെ നാട്ടുകാര്‍ പിടികൂടി. പന്തിരിക്കരയില്‍ നിന്നാണ് പിടികൂടിയത്.