കൊട്ടിയൂര്‍: മലയോര ഹൈവേയില്‍ കൊട്ടിയൂര്‍ അമ്പായത്തോട് സ്‌കൂളിന് സമീപത്തെ ഇറക്കത്തില്‍ കാറും ലോറിയും കൂട്ടിയിടിച്ച് മുന്നു പേര്‍ക്ക് പരുക്കേറ്റു. ചുങ്കക്കുന്നില്‍ നിന്ന് മാനന്തവാടിയിലേക്ക് കാറില്‍ യാത്ര ചെയ്യുകയായിരുന്ന സിസ്റ്റര്‍ നിര്‍മല,സിസ്റ്റര്‍ ജയ്‌മോള്‍, ജിനീഷ് ഉറുമ്പില്‍ എന്നിവര്‍ക്കാണ് പരുക്കേറ്റത്.
ഇവരെ തലശ്ശേരി ഇന്ദിരഗാന്ധി സഹകരണ ആശുപത്രിയില്‍ പ്രവേശിപ്പിച്ചു. കേളകത്തേക്ക് വരികയായിരുന്ന ലോറിയാണ് അപകടത്തില്‍പെട്ടത്. അപകടത്തില്‍ കാറിന്റെ ടാങ്ക് തകര്‍ന്ന് റോഡില്‍ ഓയിലുകള്‍ പരന്നൊഴുകിയതിനാല്‍ ഫയര്‍ഫോഴ്‌സെത്തി റോഡ് വൃത്തിയാക്കിയതിനു ശേഷമാണ് ഗതാഗതം പുനരാംരംഭിച്ചത്.