കിളിമാനൂര്‍: വിസ വാഗ്ദാനം ചെയ്ത് പത്തനംതിട്ടയിലുള്ള യുവതിയെ കിളിമാനൂരില്‍ വിളിച്ചു വരുത്തി പീഡിപ്പിക്കുകയും രണ്ടു ലക്ഷത്തി മുപ്പതിനായിരം രൂപ തട്ടിയെടുക്കുകയും ചെയ്ത കേസിലെ പ്രതിയെ സംഭവം നടന്നു  അഞ്ചു കൊല്ലത്തിനു ശേഷം കിളിമാനൂര്‍ പൊലിസ് അറസ്റ്റ് ചെയ്തു.
നെല്ലനാട് ആലന്തറ മണ്ഡപക്കുന്ന് വീട്ടില്‍ സുരേഷ് കുമാറാ(45)ണ്  പിടിയിലായത്. 2011 ലായിരുന്നു  കേസിനാസ്പദമായ സംഭവം.പത്തനംതിട്ട സ്വദേശിനിയായ യുവതിയെ  ബഹറിനില്‍ ജോലിക്കുള്ള വിസ നല്‍കാമെന്ന് പറഞ്ഞു വിശ്വസിപ്പിച്ച് കിളിമാനൂരില്‍ വിളിച്ചു വരുത്തി  കാറില്‍ കയറ്റികൊണ്ട് പോയി കാറിനകത്തുവെച്ചും പൊന്മുടിയിലും എത്തിച്ച് പീഡിപ്പിക്കുകയും ദൃശ്യം കാമറയില്‍ പകര്‍ത്തിയ ശേഷം ഭീഷണിപ്പെടുത്തി  2,30,000 രൂപ തട്ടിയെടുക്കുകയുമായിരുന്നു.
തുടര്‍ന്ന് വിദേശത്തേക്കു കടന്ന പ്രതിക്കായി പൊലിസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. കഴിഞ്ഞ ദിവസം നാട്ടില്‍ എത്തിയപ്പോഴാണ് പിടിയിലായത് .ഈ കേസില്‍ കാട്ടുംമ്പുറം കൊല്ലുവിള ശോഭന വിലാസത്തില്‍ അനീഷിനെ നേരത്തെ അറസ്റ്റ് ചെയ്തിരുന്നു .സുരേഷ് കുമാര്‍റിനെ കോടതിയില്‍ ഹാജരാക്കി .കിളിമാനൂര്‍ സി .ഐ എസ് .വൈ സുരേഷും എസ്. ഐ യഹിയായും ഉള്‍പ്പെട്ട സംഘമാണ് പ്രതിയെ പിടികൂടിയത്.