തിരുവനന്തപുരം: കണ്ണൂര്‍ സര്‍വകലാശാല ചോദ്യപേപ്പര്‍ ആവര്‍ത്തനത്തില്‍ മാതൃകപരമായ നടപടി എടുക്കുമെന്ന് ഉന്നത വിദ്യാഭ്യാസ മന്ത്രി ആര്‍.ബിന്ദു. കണ്ണൂര്‍ സര്‍വകലാശാലയില്‍ തുടര്‍ച്ചയായി അഞ്ചാമതും കഴിഞ്ഞ കൊല്ലത്തെ ചോദ്യപേപ്പര്‍ ആവര്‍ത്തിച്ചു.
ആദ്യം സൈക്കോളജി ബിരുദ പരീക്ഷയുടെ മൂന്ന് പേപ്പറുകള്‍, പിന്നീട് ബോട്ടണി ബിരുദ പരീക്ഷയുടെ പേപ്പര്‍, ഗണിത ശാസ്ത്ര ബിരുദാനന്തര ബിരുദ പരീക്ഷയുടെ ഒരു പേപ്പര്‍ ഇങ്ങനെയാണ് ആവര്‍ത്തനം ഉണ്ടായത്.
അതേ സമയം സര്‍വകലാശാലകളില്‍ അധ്യാപകര്‍ നല്‍കുന്ന ചോദ്യങ്ങള്‍ പരിശോധിക്കാന്‍ സംവിധാനങ്ങളില്ലെന്ന് പരിശോധനാ സംവിധാനം ഉണ്ടാക്കുന്നതിനെ കുറിച്ച് ആലോചിക്കുമെന്നും മന്ത്രി വ്യക്തമാക്കി. ഇതിനായി സിന്‍ഡിക്കേറ്റ് സബ് കമ്മിറ്റികളെ ചുമതലപ്പെടുത്തിയെന്നും മന്ത്രി ആര്‍.ബിന്ദു നിയമസഭയെ അറിയിച്ചു.