തിരുവനന്തപുരം: മുന്‍ മന്ത്രിയും എന്‍ഡിപി നേതാവുമായിരുന്ന ആര്‍ സുന്ദരേശന്‍ നായര്‍ അന്തരിച്ചു. തിരുവനന്തപുരത്തെ വീട്ടില്‍ വെച്ചായിരുന്നു അന്ത്യം. 82 വയസ്സായിരുന്നു.
1981ല്‍ കരുണാകരന്‍ മന്ത്രിസഭയിലെ ആരോഗ്യ- ടൂറിസം വകുപ്പ് മന്ത്രിയായിരുന്ന അദ്ദേഹം എന്‍.എസ്.എസിന്റെ രാഷ്ട്രീയ പാര്‍ട്ടിയായ എന്‍.ഡി.പിയുടെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. കൂടാതെ കോളേജ് അധ്യാപകനായും പി.എസ്.സി അംഗമായും കേരള യൂണിവേഴസിറ്റി സെനറ്റ് മെമ്പറായും പ്രവര്‍ത്തിച്ച അദ്ദേഹം തിരുവനന്തപുരത്തെ പ്രശസ്തമായ സമാന്തര വിദ്യാഭ്യാസ സ്ഥാപനമായ വിക്ടറിയുടെ ഉടമയും ആയിരുന്നു.