കോഴിക്കോട് • ഖത്തറിൽ നടക്കുന്ന ലോകകപ്പിൽ മെഡിക്കൽ സംഘത്തിനൊപ്പം കോഴിക്കോട്ടുകാരിയായ യുവ ഡോക്ടറുമുണ്ടാകും. ഈങ്ങാപ്പുഴ സ്വദേശി ഡോ.ഹമീദയാണ് ഫിഫയുടെ മെഡിക്കൽ ടീമിൽ ഇടം നേടിയിരിക്കുന്നത്. ഫിഫയുടെ മെഡിക്കൽ ചുമതലയുള്ള ഹമദ് മെഡിക്കൽ കോർപറേഷനൊപ്പമാണ് ഹമീദ ജോലി ചെയ്യുക. ഒരു മാസം ടീമിനൊപ്പം ഡോക്ടർ ശുശ്രൂഷയുമായുണ്ടാകും. ഈങ്ങാപ്പുഴ സ്വകാര്യ ആശുപത്രിയിലെ ഫിസിഷ്യനാണ് ഡോ.ഹമീദ. എം.ബി.ബി.എസും , ഡി.എൻ.ബിയും പൂർത്തിയാക്കിയതിനെ തുടർന്ന് ഈങ്ങാപ്പുഴയിലെ സ്വകാര്യ ആശുപത്രിയിൽ ജോലി ചെയ്ത് വരുകയാണ്. കൊണ്ടോട്ടി സ്വദേശി കടക്കോട്ടിരി റിട്ട. എ.ഇ.ഒ വീരാൻകുട്ടി മാസ്റ്ററുടെയും ആരിഫ ടീച്ചറുടെയും മകളാണ്. ബാംഗ്ലൂരിൽ ഐ.ടി കമ്പനി ഉദ്യോഗസ്ഥൻ ഷമീറാണ് ഭർത്താവ്.