കാഞ്ഞാര്‍(ഇടുക്കി): തൊടുപുഴക്ക് സമീപം കുടയത്തൂരില്‍ സംഗമം മാളിയേക്കല്‍ കോളനിക്ക് മുകളില്‍ നിന്ന് ഉരുള്‍ പൊട്ടി. ചിറ്റടിചാലില്‍ സോമന്‍ എന്നയാളുടെ വീട് പൂര്‍ണമായും ഒലിച്ചു പോയി. കുടുംബം ഉറങ്ങിക്കിടക്കുമ്പോഴാണ് പുലര്‍ച്ചെ അപകടമുണ്ടായത്. അഞ്ചുപേരാണ് വീട്ടിലുണ്ടായിരുന്നത്. മൂന്ന് മൃതദേഹം കണ്ടെടുത്തു.

സോമന്റെ അമ്മ തങ്കമ്മ, സോമന്റെ കൊച്ചുമകന്‍ ദേവാനന്ദ് (4) എന്നിവരാണ് മരിച്ച രണ്ടു പേര്‍. മൂന്നാമത്തെ മൃതദേഹം തിരിച്ചറിഞ്ഞിട്ടില്ല.

സോമന്‍, സോമന്റെ ഭാര്യ ഷിജി, മകള്‍ ഷിമ എന്നിവരെയാണ് കണ്ടെത്താനുള്ളത്. ഫയര്‍ ഫോഴ്‌സും, നാട്ടുകാരും തിരച്ചില്‍ നടത്തുന്നു.

രാത്രി ഇവിടെ തുടര്‍ച്ചയായി മഴ പെയ്തിരുന്നു. പുലര്‍ച്ചെയാണ് ഉരുള്‍പ്പൊട്ടിയത്. മന്ത്രി റോഷി അഗസ്റ്റില്‍ സംഭവസ്ഥലത്തേക്ക് തിരിച്ചിട്ടുണ്ട്. രക്ഷാപ്രവര്‍ത്തനത്തിന് ദേശീയ ദുരന്ത നിവാരണ സേന എത്തിയേക്കും.

പത്തനംതിട്ട ജില്ലയിലും ശക്തമായ മഴയാണ്. മലയോരപ്രദേശങ്ങള്‍ പൂര്‍ണമായും വെള്ളത്തിനടിയിലാണ്. ചുങ്കപ്പാറ ടൗണില്‍ വെള്ളം കയറി. കോ
ട്ടയത്തും മഴ ശക്തമാണ്.