തളിപ്പറമ്പ്: കുരുടന്‍മാര്‍ ആനയെ കാണുന്നതു പോലെയാണു ചിലര്‍ മതങ്ങളെ വിലയിരുത്തുന്നതെന്നു സി.പിഎം ജില്ലാ സെക്രട്ടറി പി ജയരാജന്‍. നമുക്ക് ജാതിയില്ല എന്ന ശ്രീനാരായണ ഗുരുദേവന്റെ വിളംബരത്തിന്റെ 100ാം വാര്‍ഷികത്തിന്റെ ഭാഗമായി 'നമ്മളൊന്ന്' സാംസ്‌കാരിക ഘോഷയാത്ര ബക്കളത്ത് ഉദ്ഘാടനം ചെയ്യുകയായിരുന്നു അദ്ദേഹം. ശ്രീകൃഷ്ണന്റെ പേരുപറഞ്ഞ് ഘോഷയാത്ര നടത്തി മതത്തിന്റെ പേരില്‍ ആളുകളെ വഴിതെറ്റിക്കുകയാണ്. അഷ്ടമിരോഹിണി ആഘോഷിക്കേണ്ടതു ക്ഷേത്രങ്ങളിലാണ്. അതു തെരുവിലാകരുത്. സമൂഹത്തിനു ദോഷമാകുന്ന രീതിയില്‍ ആരു ഘോഷയാത്ര നടത്തിയാലും എതിര്‍ക്കാന്‍ മടികാണിക്കില്ലെന്നും പി ജയരാജന്‍ പറഞ്ഞു.